無能勇者

2012-01-27

166 - 龍年

On居居又到龍年，十二年前廿四年前我做緊乜呢，我諗都係On居居！

新春又凍又多人真係邊度都唔想去，同老婆講要睇完本小說，結果坐下坐下又放完假，浄係完成了本「一路向西」
。
其實新年又清潔又拜年又恭喜為乜呢？到頭來屋企仍係繼續亂，親戚仍係繼續生疏，恭喜完發財仍然好貧窮。

祝大家世界第一，天下無敵！

2011-09-08

加入了澳洲公司兩年, 終於小弟又要轉會了, 今次係回歸小弟出道的公司, 很有回娘家的感覺。

當然回去是為了更好的工作環境, 亦為了更好的金錢回報, 這方面我是很現實的。話說在澳洲公司的兩年多, 小弟多次要求昇職不果, 但自覺以自己能力是勝任有餘, 因此甚為失望, 然而同新公司傾職位時, 心目中的職位卻被老闆一口答應, 今次反而對自己信心有不足。是否人就是咁犯賤, 得不到時就日求夜求, , 到手時感覺就唔同哂?

無論如何, 祝福舊同事工作順利, 亦祝自己年年加人工啦

2011-06-13

164 - 中國四大發明粥粉麵飯

本人根據非正式統計, 男人在四大發明中只愛飯, 其他偶然食下可以, 日日食真係人都癲.

女人就基本上殺哂, 你睇粥檔麵店幾時有幾個麻甩佬圍埋食正餐, 就算去都係一個去, 等於你有幾何會見到幾個大男人約去SALON剪頭髮呢?

所以呢世界未日男人真係會死哂先!!

2011-06-10

163 - 我愛香港

2011-06-04

162 - VIIV

廿幾年了!!

不論當日大陸政府做對或錯都好,

大陸有正面面對過64嗎?

一個大話遮住一個大話, 用盡心思去阻止人了解事件真相, 禁止人討論, 然後用經濟結果去証明自己的暴行, 可笑是一班又一班走狗出來護主, 美化殺人.

有幸生長在香港, 縱使政府有問題, 市民仍可以想一想鬧一鬧, 至少思想上還是自由人.

但有一個夢，不會死，記著吧

無論雨怎麼打，自由仍是會開花
但有一個夢，不會死，記著吧
來自你我的心，記著吧

161 - 病

肚痾了差不多一星期, 前日的起心肝去睇醫生,

醫生話腸胃炎, 仲叫我唔好食得太油, 唔好食水果.

好乖咁依時食藥, 但食完腸胃炎藥竟然會昏昏欲睡, 結果昨日返工只係返左上午,

下午乖乖地回家大訓, 食完晚飯又訓, TOTAL 訓左18小時.

身體對藥物的反應比病菌更甚, 第時有乜大病都唔知點算.

2011-06-02

160 - 寢具

這是日本出產的攬帎, 我想用的應該都不是正常人類吧!!

遲下會唔會有發聲版, 電動版或自動清洗版呢?

2011-06-01

159 - 我愛周周長

公司因為追進度關係, 加上早前發生了2單意外, 於5月頭下令各人一律要取消長短周, 直到7月第一個星期.

本來對一間建築公司來說, 是正常不過的, 但已放慣星期6的我們, 突然拿走我地福利, 就一定有不滿. 5天半工作, 於我來講已經係上限, 我所有娛樂及社交活動都因為少了一或半日而取消, 而且一周工作六日亦都太漫長吧, 當然有大筆的OT又另計.

說到尾, 都覺得自己悲哀, 因為一天半天的工作而囉囉嗦嗦, 根根計較, 是自己不夠上進還是抱著唔計就笨的心理呢?

(據說高層有意俾我地於7月補假, 共4天!!)

2011-03-24

158 -【生活小事】

【生活小事】
今日去7仔買雜誌, $12本, 我俾$500, 佢找$488過我,
不過當中有$38係銀仔, 谷狗氣!
我企係收銀處搵多$22銀仔同兩張廿蚊, 同條友講, 「入哂八達通丫!」
條友即時黑面!哈哈哈!

2010-11-25

157 螺絲

每日營營役役, 為的是追求理想生活

但理想生活是什麼? 是不用工作? 是隨心揮霍?

真相是自己也答不清, 反而現實的慣例令人走入迷宮

讀那麼多書, 難道不做一份匹佩的工作?

工作那麼多年, 難道不處一個適當的位置?

家庭的一份子,難道毫無貢獻?

種種身份令人不停的忙忙忙.....

其實自己不過是社會機器的一個螺絲, 但自我感覺很累呀~~

可是螺絲有螺絲的命, 你可曾聽過螺絲叫疲倦?

疲倦就是金屬疲勞, 下場就是被換掉被取代.你想嗎?

2010-11-02

156 鬧鐘

每朝起身都是被電話中鬧鐘功能喚醒,

而由於轉用I PHONE關係, 按停鬧鐘不是按實際按鈕而是"卒"個SCREEN

今朝如常鬧鐘響, 我又如常卒啦.............卒了成半分鐘都唔得,

由於太眼訓所以都冇為意, 隔一陣冇響又返訓,

5分鐘後又響過, 又卒又唔得..............

今次終於開眼睇睇,

頂佢!我竟然卒緊..............................

2010-10-30

155 - 大家樂

我從上星期起, 已經開始罷食大家樂,
雖然我果10元8塊對大家樂並不是什麼大生意, 但我都要以行動支持一班辛勤工作而被刻薄的飲食界朋友.

每個人都有自己原則,亦有自己的管理哲學, 但我想信搵錢不是要由自己員工方面下手的.

大家樂你既然視你員工如垃圾, 我都會視你如仇人

大家樂集團旗下食肆及業務
─快餐─
•大家樂
•滿洲鑊（加拿大、美國）
•利華超級三文治
• Espressamente Illy
• Mix
•一粥館
•阿二靚湯

─其他擁有股權的食肆─
•稻香集團
•新亞大包（內地）

─飲食機構─
•泛亞飲食
•活力午餐

─特色餐廳─
•意粉屋
• 360系列
• Dai Bai Dang（美國）

─食品及加工分銷─
•北歐國際食品
•丹尼麪包

2010-10-18

154 - 為何離別了　卻願再相隨

在世間尋覓愛侶　尋獲了但求共聚
然而共處半生都過去
我偏偏又後悔

別了她原為了你　留住愛亦留住罪
誰料伴你的心今已碎
卻有她在夢裡

為何離別了　卻願再相隨
為何能共對　又平淡似水
問如何下去　為何猜不對
何謂愛　其實最愛只有誰

為何離別了　卻願再相隨
為何能共對　又平淡似水
問如何下去　為何猜不對
何謂愛　誰讓我找到愛的證據

2010-07-22

153 支持特首

一向都對特區政府冇乜好感, 但昨日看到電視上特首批評沙田石門村居民反對在附近(一點都不近, 只係望到)興建墳場,是"各家自掃門前雪"行為, 真係大快人心.

哈哈, 特首終於為市民做點好事, 不是每次都係為北佬做事喇! 事實上墳地, 火化, 堆填, 醫院, 美沙同等等都是每個人不希望有家附近見到的, 但社會上總有這樣需要, 每個人都怕影響自己, 社會上如何解決需要呢?

一直我都在心目中有個解決方法, 只是我怕特首唔敢提出. 方法係在外島(無人島)或南太平洋小國租地去做墳地, 而本港本土完全禁止葬儀, 再在交通費中抽極重稅來完全解決資金問題.

我相信大家(尤其今日反對那班人)一定排隊求政府在自己分區建墳場, 可能之後墳場好似學校校網一樣令樓宇增值添.

香港人真自私!

2010-07-20

152 殯儀

在老爸走了之後, 佢的後事就由我同我細佬攪, 由於老爸生前曾經同鄰居提及過, 所以鄰居亦介紹了一個AGENT給我們.
都說任何行業AGENT都是良莠不齊的, 那個中介人根本就求求其其的介紹我們到一家黑店, 還推介個綜援餐比我們.

內容包括領屍, 入棺, 火化, 取死亡証. 就得咁多!! 根本就是一文不值的態度, 還有不斷叫我們申請政府什麼補助, 報紙什麼扶貧基金, 天殺的! 當我老爸是露宿者嗎? 當我地表示想要多點時, 佢又逐樣BEAK DOWN俾我們睇, 什麼諗經加三千, 打齊加一萬, 又不停同我們講這一些都是不必的......

當然, 事實上我是沒有任何信仰的, 我都不太相信以上諗經超渡的成效, 只是老爸生前其實是有點迷信的, 所以我覺得要做足一點. 老弟可能覺得很無謂, 根本就俾錢人駛, 但我覺得如果老豆相信就要做, 到第時你自己死時你什麼都不做就你自己的事, 而且老爸生前一向慳, 死後留下的金錢用於佢自己身上是應該的, 就是豪一點也是無所謂的.

錢反正都要花, 不如不怕麻煩做好一點!