無能勇者: 6月 2011

2011-06-13

本人根據非正式統計, 男人在四大發明中只愛飯, 其他偶然食下可以, 日日食真係人都癲.

女人就基本上殺哂, 你睇粥檔麵店幾時有幾個麻甩佬圍埋食正餐, 就算去都係一個去, 等於你有幾何會見到幾個大男人約去SALON剪頭髮呢?

所以呢世界未日男人真係會死哂先!!

廿幾年了!!

不論當日大陸政府做對或錯都好,

大陸有正面面對過64嗎?

一個大話遮住一個大話, 用盡心思去阻止人了解事件真相, 禁止人討論, 然後用經濟結果去証明自己的暴行, 可笑是一班又一班走狗出來護主, 美化殺人.

有幸生長在香港, 縱使政府有問題, 市民仍可以想一想鬧一鬧, 至少思想上還是自由人.

但有一個夢，不會死，記著吧

無論雨怎麼打，自由仍是會開花
但有一個夢，不會死，記著吧
來自你我的心，記著吧

肚痾了差不多一星期, 前日的起心肝去睇醫生,

醫生話腸胃炎, 仲叫我唔好食得太油, 唔好食水果.

好乖咁依時食藥, 但食完腸胃炎藥竟然會昏昏欲睡, 結果昨日返工只係返左上午,

下午乖乖地回家大訓, 食完晚飯又訓, TOTAL 訓左18小時.

身體對藥物的反應比病菌更甚, 第時有乜大病都唔知點算.

這是日本出產的攬帎, 我想用的應該都不是正常人類吧!!

遲下會唔會有發聲版, 電動版或自動清洗版呢?

公司因為追進度關係, 加上早前發生了2單意外, 於5月頭下令各人一律要取消長短周, 直到7月第一個星期.

本來對一間建築公司來說, 是正常不過的, 但已放慣星期6的我們, 突然拿走我地福利, 就一定有不滿. 5天半工作, 於我來講已經係上限, 我所有娛樂及社交活動都因為少了一或半日而取消, 而且一周工作六日亦都太漫長吧, 當然有大筆的OT又另計.

說到尾, 都覺得自己悲哀, 因為一天半天的工作而囉囉嗦嗦, 根根計較, 是自己不夠上進還是抱著唔計就笨的心理呢?

(據說高層有意俾我地於7月補假, 共4天!!)