145 - 好爽

返工帶備私家拖鞋真係好爽, 簡直令我腳部壓力釋放!

144 - o靚模

男人 - 人性係播種, 就算播唔到都要睇睇

商人 - 責任係搵錢, 要搵錢就要創新

兩者加在一齊就出現DEMAND AND SUPPLY, 「o靚模」的出現就解決了有人要搵女有人要搵錢的問題.

是的! 我十分支持o靚模的!

人地要露, 你點解唔比人露, 行行出状元, 你估打出個大比唔需要勇氣咩? 況且佢地唔係賣肉, 係賣青春, 正所謂「我的青春小鳥一去不回來」, 18/22唔展示美好一面唔通等七老八十?

令人氣憤是一班道德佬出來抽水, 一班"老模"亦擔心搶飯碗而聲討.

其實講到尾大家都係自私, 認為自己所有野都係對, 人地係錯。

敢問一句, 還記得自己出世時穿什麼衣服嗎? 沒有吧! 那o靚模露出少少肉又有什麼問題?

143 - 居住

自問不是富家子弟, 以為一個理想的居住環境應很簡單,

但不幸地原來我都是一個麻煩人, 首先列出我居住要求:
1) 近地鐵
2) 兩房(一睡房, 一書房)
3) 裝修不可太殘
4) 高層, 不要樓望樓
5) 市區
6) 有露台 (吹衣服)
7) 最好新樓
8) 有直接車往返我父母家
9) 不可以係凶宅

原來都真係幾難搵!

142 - 損失

我在這兩年來, 好努力做人, 好努力工作, 好努力對我家人好.

如果這一刻我死了, 係我損失定係世界的損失呢?

前日和舊同事食晚餐時, 得知一個我五年前的下屬去了, 心情好沉重, 更難過是他遺下一對龍鳳胎. 想起往日工作點滴, 又想到當年我行到腳斷幫佢買部最平的電腦時, 佢仲想平宜一點, 可見佢生活艱難.......


不禁, 我在大庭廣眾中哭了, 為佢難過, 亦為佢家人難過.
為何應該死的不死, 應該活的不活?