真正的感動到哭泣, 唱歌除了技巧更重要要感情。
呢次我真係聽到流出幾滴眼淚, 呢種味道同聲音不是十幾廿才的小孩可以唱出來的, 是一種叫「大叔」的生物幾過千錘百鍊所精煉出來的一把聲音同感情。
你可能不同意佢唱我極好聽, 但你一定可以感受到歌者背後有一個故事。
所以陳奕迅撈得掂過古巨基
2013-07-26
181- 眼睛想旅行
本坐係一名毒男, 一有空就會上網,
google真係好偉大, 因為佢發明左google map,
都仲未夠, 仲要有埋street view,
令到我一有時間就環遊世界, 眼睛去旅行。
但係....因為某政治經濟社會原因, street view冇祖國版, 即係我國偉大山海唔可以俾我安坐家中就可以欣賞而要逼我去實地參觀。
需知道....機票酒店甚貴,RMB更是日日天價, 我對祖國山水的思念我有如滔滔江水連綿不絕, 又有如黃河氾濫一發不可收拾...........
180- 希望
上星期老闆召見我入房, 竟然同我講要昇我.........先係覺得喜然後嚇到死。
本坐冇諗過會昇職, 至少呢兩年內唔會, 但老闆唔知做乜咁賞識我? 完全冇心理準備.
當然多左果舊錢我好想要, 但係唔係奪命金都唔知, 因為自己見識太少, 又不愛social, 做人做事都有所不足。
加上呢個職位, 市場供應唔多, 唔可以好似現時咁唔喜歡就唔做, 東家唔打打西家, 唉! 好困擾的說!
其實當初我入行時, 見到我部門個主持人就係坐呢個post, 佢係個十分猛料之人, 我有同自己講過希望我退休前可以去到佢個位, 估唔到我做左唔係好多年就可以攀到佢個「呢」, 而呢位猛人現時當然再上一層樓啦。
心裏好矛盾, 希望昇職成事, 又害怕成事
訂閱：
文章 (Atom)