無能勇者: 2006

2006-12-23

23-聖誕快樂--從前的黑色聖誕

就快到聖誕, 本座祝大家聖誕快樂!!!

我唔信耶教,但我相信聖誕節係耶穌同耶教對世上最大貢獻! 因為聖誕節假期係打工仔透氣好機會, 加上絕對係溝仔溝女上佳機會, 各大商店大減價, 年尾雙糧.......所以係一個快樂日子!!

但.........原來香港曾經渡過一個「黑色聖誕」, 而大部分香港人都冇經歷過, 希望大家睇一睇以下網頁, 知道自己的快樂並不是來自LV, Armani, 金利萊,或者係PS3,女人, 麻雀, 賭波! 而係自己同身邊朋友家平平安安已經足夠!!!

http://zh.wikipedia.org/wiki/é¦™æ¸¯ä¿è¡›æˆ°

2006-12-11

22-我要成名

小弟最近先睇劉青雲的新作[我要成名], (其實都睇了兩個星期...不過小弟比較懶.......),比我的感覺係難得的好睇及清新, 其實香港電影不一定要警片,古裝片,臥底片. 我想要只係一個有趣同完整的故事,賣點唔需要[潮],CG,特技,而係賣[戲], 總之令人舒舒服服睇完90分鐘就可以了.

睇番套戲, 係講一個落泊男演員故事, 睇到佢點由一個最有前途新演員到2打6再到最佳男配角的故事, 而另加一個方面一個有天份又有野心的新晉好演員的奮鬥史. 故事係一開始都大約估到ENDING果種, 冇錯!係老套果隻! 但作為觀眾, 又唔會覺得反感, 同晚上電影連續劇差唔幾, 仲會幾容易入戲添! 總之佢就係一個[成功需苦幹式]故事, 簡單易明!

反而從呢套電影中, 會諗到一D同劇情冇乜關的聯想:

劉青雲在不知不覺間老左好多, 在呢部電影中演落泊角色係合適的, 但貴為我其中一個喜歡的演員, 有D希虛! 希望佢黃金時代未過啦.

一個簡單的故事叫人睇得舒服, 而香港電影好多導演連講個基本故事都有問題, 令到睇完整一個故事的機會愈來愈難,個個都MTV大導, 玩風格,玩卓頭. 初時你會覺得係一個視覺新體驗, 但看得多呢D電影就會開始懷疑導演係唔係有問題. 到現在, 直頭要將自由要求降低好多先可以睇完一套港影......

本電影雖然有內地演員(霍思燕), 但非常本地化, 好明顯以本地市場為依歸. 我覺得感覺好好, 至少有一種被專重的感覺! 而小弟最唔喜歡一D唔係拍比自己人睇的電影, 例如[英雄][天脈傳奇]之流...............

女主角 (霍思燕)的設定好似某內地荷里活女星, 如果[我要成名]有下一部的話, 只要小小修改, 就可以接住[如果。愛]

2006-12-06

21-最近迷上了她......

唔知點解咁喜歡佢, 可能係佢夠甜,或者係有一種氣質, 叫人好溫暖但你永遠捉摸唔到一樣........ 佢比我感覺有d似柏安妮!

20-結婚...對男人係絕症,對女人係傳染病

身邊的朋友漸漸都結婚了

如果朋友係男的, 佢本人或佢的朋友都係偏向[結婚]係一件慘事
兄弟之間會為佢地嘆息,默哀,
因為結婚比男人感覺係恐懼的,
[除了老婆以外, 唔可以有其他女人!],
但男性的本能係播種, 你叫佢只耕一塊田, 簡直係遺背天意.....

而女人呢, 恕我唔明白佢地點解咁喜歡結婚?
但有一點好奇怪, 如果一堆好姊妹中有一個人結婚,
其他人就會好似有傳染病一樣心思思.....
佢地會扭佢地男朋友計劃下結婚啦, 比d說話男朋友聽啦等等
但佢地永遠唔會明白, 男孩子同你一齊, 其實已經好愛你...
何必去逼佢做一d你認為佢係幸福的事呢

2006-12-04

19-個天係幫我?定係玩我?

在大約10月時, 小弟已決定轉工....應該話轉行,
而且已經做好心理準備要捱一陣子低人工的生活.

誰知上星期六, 公司的經理比佐個大信封我.

我心諗:[大0樂!!],唔係抄我尤呀? 我雖然對呢行死心,
但都未搵到下一站, 咁快[雞]我, 呢個冬天我點過.....

點知原來係昇職加薪, WOW!!!咁點好呀?
我努力係有回報, 但我好唔好KEEP住做落去好呢..............

心情好混亂, 好似係開心, 但而家唔走3年後更加唔想走.........

**另外諗起一句說話, 係D人祝福一D事業有成的人講的
[祝你-昇職-加薪-死老婆!!]
真有漸進的感覺!!

18-我的兄弟結婚了

-11月21日, K先生結婚了!!

-身為兄弟的我, 當然做兄弟啦!

-一行6個兄弟,好有扶靈感覺

-原來而家攝影師已經可以充當婚禮主持, 基本上佢可以話到俾新人知什麼時間要做什麼事.

-G更負責手持結婚油畫, 感覺係孝子角色!

-幸好姊妹有部分唔錯!令人醒一醒神!

-當日天氣麻麻, 但到場大多係親戚, 所以好熱鬧.

-最後G自備酒水隊貓左新郎

-祝你地白頭到老!!!!!!!!!!!

2006-11-30

17-一個經濟問題

無能勇者最愛幼想,
當小時候已經知道低買高賣係搵錢之道
之後日日諗有乜野可以作為低買高賣的工具呢?

由於小時入世未深, 根據不知道世上有窩輪,期貨等東東,
小弟當時覺得世上最需求大的,應該係車票,演唱會飛等等
當然小弟當時並唔知世界上有一樣野叫 [黃牛黨],
即周潤發所講的[yellow cow]!!

隨着日漸成長, 慢慢知道原來股票,房地產更搵到錢
更加更加重要係 [黃牛黨]係犯法的, 但炒股炒樓係[商業行為],

我唔明白,亦唔接受!
大家都係低買高入, 大家都係炒作, 大家斬係大量屯積以取得差額,
而炒黃牛爆煲機會更大, 咁點解仲要被為係犯法呢?
唔通政府想保護佢地免得爆煲?

定係政府傾向商家, 因為炒股炒樓有稅收
佢地投機炸作就叫[投資],
小市民屯積就叫破壞社會?

我不明白........是我太無知?定係我太反社會?

2006-11-29

16-壞習慣

每個人都有自己的壞習慣
有d壞習慣係可以成為自己的icon
而有d會阻礙自己一生發展

我有幾個壞習慣? 有, 而且好多
粗心大意可說係我死證, 懶同樣係一個問題.

不過我今日唔係要講呢個問題,
而係想講好多女人不時都想改變自己男友,老公壞習慣
可以咩? 好難吧!
如果你覺得佢好多壞習慣, 點解當初要同佢一齊?
定係覺得自己好有power 可以改變到自己個男人?
咁點解當初唔搵個冇乜壞習慣的男人呢?
改為他人時有冇同改變自己呢?

睇過黃真真的[女人那話兒2] , 有條粉腸講得好point
[要男人改變性格, 其實只有一個人在一個時期可以做到,
就係係個男人三歲前佢阿媽先可以]

所以,姊妹們,還是唔好迫得男人太緊吧!

2006-11-03

15-最愛是誰

最愛是誰林子祥

曲: 盧冠廷
詞: 潘源良

在世間尋覓愛侶
尋獲了但求共聚
然而共處半生都過去
我偏偏又後悔
別了她原為了妳
留住愛亦留住罪
誰料伴妳的心今已醉
卻有她在夢裡
為何離別了卻願再相隨
為何能共對又平淡似水
問如何下去為何猜不對
何謂愛其實最愛只有誰
(何謂愛誰讓我找到愛證據)
任每天如霧過去
沉默裡任寒風吹
誰人是我一生中最愛
答案可是絕對

2006-10-25

14-愛‧很撚Down

要走的終於要走, 要留的終於要留.

感情對於我是一生一世的,
愛你就是愛你,
自己可以不問理由去付出,
其中就算係苦, 仍會有快樂.

自從十年前的分別, 我已經知道自己冇機會再同你一齊,
我討厭自己, 因為其他人仲有機會同你一齊, 而我係無望...
但感情就是唔可以自主, 我仍舊常常在你身邊,
怕的就係你會孤獨不安, 我希望有個人在你身旁幫助你,
而你當我係乜身份, 我已經覺得唔緊要,
起初係我硬拉你見面,飲飲食食,
後來大家已經習慣定期見面,
再後來已經變成大家不可決少的一部分......

或者再行下去就是不應該, 但我可以點?
我只係想見到我心愛的人可以快樂就可以,
而我都相信俾到幸福你的男士唔係我,
可惜自己同你的距離太近, 如果可以離你遠一點
應該可以看到你幸福終老.

最後你決定離開, 你的決定係對的, 但叫人難過.....
我知道你的決定係為左我的幸福多於你自己..
但我真的應該高興嗎?

之後的路我應該點行....之後的路你應該點行?

希望有朝一日我地可以相聚...
在一個唔需要有過去, 唔需要有未來的空間再見....

2006-10-22

13-嘰嘰戰鬥員 (ショッカー戦闘員) 是也~~!

嘰嘰戰鬥員是什麼?

就算你未曾睇過「幪面超人」,都知每集都會會有得打怪獸, 同埋每集都會有d陰謀. 執行神秘組織的任務 (捉人, 偷野, 破壞等等), 同埋在怪獸出場前拖住幪面超人的工作就係由呢班戰鬥員做! 通常佢地都係做嘍囉做的野--即係乜?俾人打,同旁住大佬(同古惑仔人堆中果d公仔佬一樣)

咁何解叫佢地做嘰嘰戰鬥員呢? 就係佢地明明係人一個, 但永遠都唔識講野, 只係「嘰嘰」咁叫, 嘩~~非常正!!

本人其實非常喜歡佢地,甚至希望在家中建立嘰嘰王國, 因為佢地一出即死, 實在係好鬼可愛~

最近睇到一個blog就介紹左佢地重新活躍番, 事緣就係佢地做左一個招聘雜誌的主角, 用以往的片段中cap出來改編, 道出作為一個嘰嘰戰鬥員的辛酸!

B-ing SHOCKER　CM 1-8

1.拿著提箱的休卡篇：這工作，真能讓我發光發熱嗎？
2.搬運花瓶的休卡篇：感覺上，這工作好像不是我做也無所謂。
3.突然被罵的休卡篇：可惡……只要找到時機我就立刻換工作！
4.沒有好上司的休卡篇：我待的職場裡沒有責任感的上司實在太多。
5.朝明天奔跑的休卡篇：對現在的工作沒啥不滿，但是我想更耀眼。
6.躲在汽油桶後面的休卡篇：這是有必要犧牲週六日做的工作嗎？
7.慢跑中的休卡篇：想要到有更多女孩子的職場上班。
8.倉皇而逃的休卡篇：糟糕，要是被抓到就得加班了！

B-ing SHOCKER　CM 9

9.組織據點裡的休卡篇：會這麼想睡覺，是不是因為工作太無聊？

B-ing SHOCKER　CM 10

10.遊艇上的休卡篇：下了這艘船，就馬上去買一本B-ing吧……

解說引用網址：http://elielin.chu.jp/blog/wp-trackback.php?p=117

延伸閱讀: http://www.spdup.com/content/view/30/2/

2006-10-13

12-Wassup~~~~~~~~~~~~~~~!

我估大家都睇過Budweiser "what's up"這個廣告吧, 我對呢個廣告其實都十分喜歡, 因為其實男人就係咁無聊,但萬萬估唔到外國的朋友都咁歡喜呢班無聊佬V嘩鬼叫, 仲自制咁多個唔同VERSION. 小弟真係十分佩服!!!

原版:

日本菜-- Wassup~~~Be!!

女友板-- Wassup

以下係惡攪板:

matrix wassup

幼兒板 wassup

中國板 wassup

老婦板 wassup

國際板 wassup

我最愛的!!!!!!!
超人板 wassup

2006-10-12

11-幾個常去的網頁

1) 高登本港硬膠發源地, 基本上新聞,時事,玩樂,政治,足球,愛情,笑話乜都搵到. 而且站內特有的「膠登」文化不斷發揚光大, 不時有記者上網搵料, 在高登部一日,有機會知道聽日報紙頭條, 總之好玩!!

2) u-wants 我相信範模同會員人數可能比高登更高, 而且內容廣泛, 上至天文下至地理都有人討論, 而bt seed在站內極易搵到, 可惜人流太分散, 好難有大的聚力. 本人都係去搵bt seed多.

3) YOUTUBE 好多時有好多新奇又好玩的內容, 近排我直頭當佢MTV CHANNEL,不斷睇MV同一D舊廣告....

4) 馬會睇下有乜球賽, 有乜好賭, 同睇下幾點有波睇.

5) LIVESCORE 即時比數! 基本上乜聯賽都有, 可惜冇聯賽榜, 所要要去ESPN參考

6) FOTOP 睇靚女, 睇摸掉(MODEL)

7) 地產城討論板我家所在的討論板, 好多人好想入業主委員會, 我相信同"利益"好有關係, 在板內可謂見盡眾生相, 什麼人身攻擊, 什麼見利忘義通通有齊.

8) KUKU 在線漫畫最近好迷追漫畫, 呢個網站有我70%有興趣的書

9) BLOG-YOU 本地BLOGGER的COLLECTION, 從這裡可以進入BLOG的世界

10) REAL TIME QUOTE 即時股票價格, 日頭在公司尊用

10-英格蘭好波!

2006-09-16

9-艾 have 亞尖 (I have a DREAM!!)

我相信每個人從小都有夢想. 有的是一個事業, 有的是一個愛情, 有的更可能係去地球上某某某地方等等......正如某年商台的口號:[幻想可以幾大, 你我可以幾細], 人的幻想真係無盡的!
從小就有一件事想發生, 這個夢想我一直覺得變態的, 我更相信我內心是一個暴力狂, 只是我日常生活不喜歡暴力.

故事係咁的:

某一日, 我安坐家中, 突然有賊入屋, 我就機警地躲藏起來, 賊人以為屋內冇人, 當然大舉搜略. 就在呢個時間, 我就從後偷襲佢并馬上將佢制服.

初時, 賊人破口大罵我, 又恐嚇我自己係乜乜柒柒黑社會, 一定會搵人收我皮等等, 我冷冷咁問佢一句:[咁依家有邊個知你衰左在我手上丫?],賊人就話:[所以多一事不如少一事啦, 你放我走啦!], 我曰:[咁即係冇啦! 一係你就搵人救你, 一係你就死係呢度啦!]

賊人當然唔相信我會殺佢, 仲不停鬧我. 為左令佢相信我會殺佢, 我一定要用一d暴力...., 我將佢一相腳放在兩張坐椅上, 而中間膝蓋的位置是懸空的.
我首先在膝蓋的位置上用木棒重重咁打左十多下, 這時賊人不斷叫救命, 並說:[我call人救我喇, 唔好打喇!], 哈哈, 而家先講太遲了....我已決定打斷你一雙腳, 你的timing太差了. 說時遲那時快, 我的木棒愈打愈起勁, [pink]一聲之下賊人的上下五寸骨已斷.

我記得小時候, 我的手斷過骨, 我清楚記得呢一下[pink]一聲, 不是十分大聲, 但我知道是在什麼嘈雜環境都可以聰到, 如今這聲音又回到我耳邊, 好爽!!

在我一輪酷刑之後,佢一五一十咁交待佢身細, 得知佢冇親冇故, 我心中有點失望------因為我本來打算再殺埋佢家人的. 我同佢講:[你先頭咪好威0既, 既然你咁把炮, 仲唔打我?], 佢哀求:[唔好玩凡啦大佬, 俾次機會啦!!]

心諗:咁講法你打劫我邊個俾機會我呀? 但我冇講出口, 反而同佢講:[打多一陣啦, 我打夠本就放你走啦!]我知道如果我同佢講你死硬, 你一定會反抗, 但如果俾個希望你啦, 你就好大可能會乖乖地---等死!!! 賊人可能真係信我講的說話, 就乖乖咁唔郁.

之後我把刀從廚房取出, [我愛廚房]! 因為佢係一個兵器庫, 賊人大驚:[又話打我?] 我理都唔理佢, 一刀切下佢隻死人手掌! 屌那星! d血一地都係, 我就鬧佢, [你整到個地烏糟哂, 正仆街!], 佢大叫救命, 我就用d垃圾填滿佢個仆街口...... 之後不停打打打.......

當然在打的期間, 我又不斷同佢講會放佢走之類的說話.....直到佢斷氣, 當然佢可能係失血過多, 或者內臟爆裂之類而死. 我不知道, 我只知道佢 [罪-有-應-得]!

我相信我親愛的兄弟們大多都聽過我講我的幻想吧, 可能你們並不相信我會咁諗..... 但!我是認真的! 我真的希望這事發生在我身上!而在我講我幻想的時間, 我真的感到心跳加速, 雙眼擴大, 事後又回味無窮, 哈哈, 可能我真係變態的!

2006-08-17

8-情義兩心堅

近日電視播大陸版神鵰俠侶,
套劇好唔好睇我唔敢講, 因為我冇睇.....
但每晚我都會從房中聽到「情若真　不必相見恨晚......」
牛華唱得幾好聽, 加上佢係我第一個接觸的[過兒], 佢唱得好化似神鵰自唸一樣....
好鬼好feel (當然佢果d大戲腔幾難頂!)

之後上網搵番d歌詞, what the fuck!寫得非常咁好非常咁無奈.....

________________________________________
情義兩心堅
張德蘭電視劇『神鵰俠侶1983』插曲
作曲：顧家煇　填詞：鄧偉雄　編曲：顧家煇

　情若真　不必相見恨晚
　見到一眼再不慨嘆
　情義似水逝去　此心托飛雁
　遠勝孤單在世間
　情若真　不必驚怕聚散
　變化轉眼也應見慣
　誰願去揮慧劍　此心托飛雁
　縱隔千山亦無間
☆愛比朝露　未怕短暫
　存在倆心堅　情不會淡
　別去已經難　重會更艱難
　愛火於心間　不冷
　情若真　不必苦惱自嘆
　縱已失去也可再挽
　情緣至今未冷　此心托飛雁
　那怕悲歡何妨聚散 ☆
　Repeat ☆

2006-07-24

7-[電影] 戰爭之王

一個走私軍火商的故事. 由現今荷理活最好男星(我覺得!!!!)主演.

先說男主角- 尼古拉斯.基治, 十分十分喜愛佢的演技, 尤其係佢天生一個慘樣,要佢演一個悲情中年一d都冇問題. 加上佢戲路十分廣, 基本上絕大部分角色都的性格都可以被佢掌握.

[戰爭之王]一片其實都幾B級制作, 冇太多大名星啦, 冇乜特技啦, 但但...我正係喜歡呢D戲, 因為你可以專心睇演員或導演說故事!! 果D[海神號], [X-MEN]等等太重觀能刺激, 並不是我杯茶!!!

可惜今次尼古拉斯的演出比較行貨, 你睇唔到(或冇乜時間)見到佢點演活一個角色, 可能部戲要交待的場面比較多吧.
套戲比我的感覺係走馬看花, 好多事件地方都關事, 但落墨唔多, 幾草草了事......

不過呢部戲比我思考左2個問題:
1) 每個人都可能係天才, 但天才的方向每人都唔同, 你可能係法律天才一佢可能係行政天才, 我又可能係執法天才. 社會上, 當然係各取所需, 各盡其才係最好, 但如果佢的才能係一般社會不接受呢? 例如, 偷竊天才, 打交天才, 走私天才等等! 咁我地應該比佢地盡展所長, 定要佢地做一個平凡人. 正如:你永遠唔會叫獅子唔好食肉掛.......
2)社會上永遠存在黑暗一面, 我們可能永遠無可能消滅呢d不良因素, 所以社會妥協, 會追求平衡,令到佢地對社會威脅最少. 好多時候, 政府會唔方便出面, 所以有一d人會幫政府做一d地下野. [戰爭之王]的主角雖然不是政府人員, 但佢的所作所為正為平衡世界出力, 因為佢賣軍火給非洲軍閥正正幫助美國有制裁,出兵他國的理由. 我不認為主角是對, 當然也不是錯, 而係世界上如果冇呢d人做一d dirt work的話, 世界是不會改變的. 正如北韓的存在是一種平衡, 我地會覺得佢犯下大錯, 但冇左佢世界又不會到達平衡.

所以我相信, 每個人在世界都有自己的使命, 可以是好的, 也可以是壞的..但如果冇罪犯, 我地唔會有差人, 唔會有法律機構,唔會有監獄亦唔會有社會問題! 世界上會有更加多人冇左價值, 可以嗎 ?

所以請相信自己, 你的存在幫助緊社會, 你的行為推動歷史!!

2006-07-16

6-支持BT

你支持BT嗎? 自問問過自己好多好多次
當然答應係肯定的支持!!

一件商品,尤其是電腦相關的, 層層疊疊,不知要經過幾多次才到你手上,
而每一層當中, 沒有一個是義工! 結論是你付出的,有一部分是無無謂謂的花去, 而佢在過程中對你的那貨品完完全全冇改進過, 他們只係左手交右手, 就可以得到佢地唔應得到的報酬, 合理嗎?

更不合理還在後面! 我想話,批發零售係獲得不合理報酬的同時, 制造商得到的更為巨大! 他們同一部戲, 同一個SOFTWARE, 造大量COPY, 然後個個以天價出售, 他們盡可能地侵害我地利益, 但相對翻版的價格, 你可知道佢地利潤之巨.
或者你可以話, 佢地要交一部分來維持版權, 但是你自己睇睇中國大陸的正版同翻版價格之差距, 就可以知道一切都係借口!!!!
當然以創作搵食係值得尊重, 但尊重係要有價值的! 當作曲, 作詞, 電腦, 電視, 電影人滿肚小腸肥之時, 仲要非常不尊重佢地客戶的時候, 作為消費者係有理由要反抗的!

在以前, 我地反抗的手段係唔睇, 唔用, 唔聽. 非常非常消極的抗議!!因為佢地唔只牚握MEDIA, 令人乖乖就範, 更重要係佢地擁有技術, 所有佢地的制作都冇人有技術大量COPY!!
可惜正義的天秤隨時間不斷傾向消費者, 我們擁有技術-INTERNET!!! 由CD COPY這小範模的分享, 至WINMX 一對一的傳送, 以至BT!
我地可以相信, 知識技術唔再只在學校先得到! 而係安坐家中, 得到我地想有的一切!! 而所有的資訊娛樂都可以任我地擁有! 我地唯一的問題係, 我地有幾多時間去消化我地想要的東西! 多美好的前景!!!!!

可惜一部分利益擁有者反對呢個世界前進, 而且世界前進令佢地失去價值, 我好同情佢地, 這同當年我同情象牙工藝者情況一樣. 佢地做的事沒有不對, 只係如果壯烈犧牲佢地, 人類文明至少可以行前十年甚至一百年. 我想情況如此, 你們都沒有什麼道德高地可據了!!

5-嘔心的國家

呢幾日, 看電視的新聞, 見到以色烈大舉攻擊黎巴嫩.
What The Fuck!!!我唔明白點解國際社會可以視若無睹,
喂!而家打仗喎, 我知道阿拉伯人同猶太人有好多恩恩怨怨,
但呢個唔係攻擊他國的合理理由掛,
你試下以上情況係北韓打日本丫, 可以接受咩?

我一直都覺得以色列係一個[邪惡之國], 在二戰之後侵人土地, 盡力壓制巴勒斯坦人, 動輒同鄰國開拖, 呢d唔係流氓行為係乜呀?
我唔理你以前受左以幾多冤屈, 正所謂[己所不欲, 莫施於人]! 當然佢地廿文廿武係因為有個邪惡軸心國在背後撐腰, 呢種狐假虎威行為真係十分十分嘔心!!

現在可能最遺憾應該係前德國元首-希特拉, 當年冇親手殺哂呢班遺害人間的野獸,
仲要俾佢地在中東建國, 害到長居那處的和平百姓.........唉!!

2006-06-28

4-63台?64台?

剛剛世界盃完成了了16強的賽事, 本次世界盃大部分時間都在家中觀看, 在以前, 由於年輕力壯關係, 往往通完頂睇波之後去打波都仲得, 但隨年紀日漸「成熟」, 真係好難一晚3場波了, 而周公亦往往在球賽最精彩之際召喚我.
好在有個鳩台﹏「球彩台」! 64台好睇之處在於夠市井,夠平民, 十分十分適合我等一支公在家世界盃之鳩流流人仕. 你唔會祈望佢地班大帝會講到d球場變化,戰術運用俾你知, 好明顯佢地連場波邊隊有優勢都未必知. 但佢地在電視「E嘩鬼叫」又的確令到你冇咁易訓著.
同埋佢地有個地方係好好, 佢地睇波好有立場---佢地買左邊隊.....,你係唔會睇地佢地好專業, 但佢地有豐富感情, 條友屎波會屌,地波唔好睇會鬧, 這正正係我一條友睇波最需要的溫暖.
而且標榜專業的63台一樣係冇料到, 認錯人, 講錯形勢, 講波唔中立等等, 你好難好投入咁睇波, 因為佢地D評論真你令人幾煩, 一句簡單講就係「懶專業」. 記得有一場波, 我一路睇波一路睇NEWSGROUP, 有個網友講得好到POINT--[究竟而家D講波佬一路講波一路有乜做? 點解人又認錯?球波邊個LAST TOUGH又唔知, 球員換左出場又唔知? 咁佢地忙D乜?] 嘩!十分有同感!

所以我都係睇番D柴嘩嘩賭波台好過!

2006-06-27

3-世界盃發達倉( 完)

經過一輪分組賽後,
我個發達倉的BALANCE上升至9百幾的歷史高位, 本來諗往乘勝追擊, 博番多幾百甚至幾千回來.
但16強開始之前, 一場沙地對西班牙令我損失150大元, 我開始覺得各路雄獅開始來料了,場場開正路仲得了?
正所謂錢不能賺盡.不如忍一忍手.做個觀眾好過!