179- 西環的狗

近年在西環工作，因為該處華洋共處好多年，好多鬼佬都聚居果邊，加上該區又係舊區，大廈冇管得咁嚴，周圍好多街坊都養狗仔。

但有一個現象好有趣，通常本地人養果d，都係什麼明種狗，冇乜雜種狗，而鬼佬果 d呢，就往往養唐狗。
咁究竟唐狗明唔明英文？而番狗又識唔識廣東話呢？

178- 又轉工？

昨天，已經係第三個人打來，問我有冇興趣轉同一份工。

說真的，人工係不錯，有20%加幅，但長久嗎？辛苦嗎？有冇難道？
人，有邊個唔想揾多d？又有邊個唔想做少d？再加上發揮自己能力？但世事往往沒有完美只有遺憾。

我估推薦果份工應該由零開始建立一個隊伍一個部門，問題係但又唔可以在我做緊嘅隊伍中挖人(道義問題)，變相由打雜到決策都要樣樣做，不斷加人不斷train人，自己不禁一問，我做到嗎？

可能真係做多左幾年野，個人保守左，又安定左，唔想下下博到盡，加上現在在自己公司嘅地位同待遇都不算差，博一博可能收穫仲少左，咁又何苦？

177- 發夢

曾看心理學的書，講到夢係內心嘅投射， 本坐做人都三十幾年，發過嘅夢多如繁星， 但每當果一排壓力大到爆煲時 都會發到同一種夢..........
就係考試，仲要係考A-level。

明明夢入面記得自己已讀完大學，問自己做乜仲考AL，答唔到，但都要面對。一入到試場，當然腦內一片空白，不斷諗諗諗，自己應該唔駛考試，點解仲要受呢種罪？

A-level 果一期嘅考試，真係咁多年來最最最不安嘅一段日子，生活放任，為情所困，自己都唔知為乜生活，好似背負好多野 但一直都冇一個出口。

點解突然回憶呢個夢？因為我好耐都冇發過喇，可能係生活安穩左，又或者從前已經離我太遠，現在只係每日每月每年重複過日子，。

176- 憶亡父

聽著..聽著.. 在回家的小巴上哭了.
失去了才知珍惜.




這些日子以來  突然間變成一片空白
這段日子是否  沉睡中忽然哭醒過來
太多意外  沒想要勉強我感慨
太多困難  會讓人害怕看未來

你知道我不想離開  你知道我有多無奈
如果時間一直走得那麼快
我怎麼對你依賴

是我的海  陽光的下午慢慢感染
當海不藍  飛起的夢想都變塵埃

你知道我不想離開  你知道我有多無奈
如果時間一直走得那麼快
我怎麼對你依賴  淚流出來該怎麼辦

是我的海  寂靜的下午默默離開
海也不藍  轉過身不能再寵愛
我多想大聲喊  我多不想明白
我只想唱來一些溫暖  在我們心裡不會腐壞