我服務的公司，每年會於4月發花紅。
因為我是轉工的關係，當然不可能全取整份B仔，但原來公司規定員工於9月尾前入職可分部分花紅，我呢？10月2日首日返工！
即係一毫子都冇，而我於呢半年於新公司的貢獻係冇人理嘅！
好灰~~~~~~
2012-04-12
2012-04-05
174 - 雲端工作
公司同部門同事本來今日休假，9時多竟回到公司。原來佢午夜夢迴，感覺自己可能做錯野，而文件又不在家，更因不好意思開口問人有冇做錯，所以由元朗坐車回堅尼地城查個究竟。
我靈機一觸，話不如放哂成個project嘅圖上網，個個都隨時可揾，電話可以電腦都揾到，咁大家就輕鬆同做野肯定好多啦。
於是我整天就動手集齊所有drawing(成3千幾張圖！),同設計個filing struture,放工前就開了個dropbox戶口，開始upload上網，下星期就可以用！
希望利用科技可幫到大家，亦可以upgrade同事的知識啦！
2012-04-04
173 - 是日清明
是日清明，不過上月已去左拜山，所以不需要出去逼餐死。
其實拜山又生果又燒豬真係幾無謂，拜山都係去悼念一下先人，做哂大龍鳳真係自尋煩惱
。
而且咁多人一齊去，又封山又封路，真係轉個頭墳場又少幾個位，攪到屍橫遍野為左乜？可能我冇信仰啦，硬係覺得人咁迷信真係好低質素，人死如燈滅，集體拜山真係好愚蠢。
所以我家一早有共識，得閒就去掃下墓，多人就避免喇。
2012-04-03
172 - 工作
轉左新工已夠半年， 工作已上軌道，但公司的文化小弟真的不感恭維。
明明是一隊人，竟又要分月薪和日薪，福利同待遇天與地，所以總是請不到初級的員工，而領導人卻常計埋d婆仔數，多幾十元俾員工一天好似割肉一樣。
昨晚，有一隊人由早上八點工到半夜四點，我們的首席領導人竟說道是好事，我怕恆常的加班只會令人才流失，畢竟人先係公司最重要的資產。
作為阿頭(不過對上仲有阿頭)，我又冇可能同同事一齊開足咁長時間，亦不能對人手有過多意見，真的很煩惱。
2012-03-29
171 - 準備搬家
最近準備搬家，收拾東西才發現原來自己有很多沒用的雜物，甚至是垃圾！
原來自己根本用不著那麼多東西。衣服:自己愛穿的還是那幾件;書:沒有時間看，卻買了不少; 玩具
擺設，買的時候樂趣比玩的更大。
心中不然想到，如果火災，如果走難，自己只可帶小量物件，我會帶什麼？可能是......沒有。
哈哈，原來通通都不重要的！ 那為什麼要買樓搬家放更多雜物？ 思想又進入死胡同了！
2012-03-28
170 - 廿二萬分之一
上星期參與了港大攪的全民選特首， 參與的原因與其說為了某大義，還不如說為了一口氣！
我們的地方，我們應該盡力守護， 即使個人是無力的，集結起來總是一種聲音吧。
手上冇票就自制票，手上冇權就自己爭權吧， 幸福從來不是禮物，不是施捨得來的。
2012-03-21
2012-03-07
2012-01-27
166 - 龍年
On居居又到龍年，十二年前廿四年前我做緊乜呢，我諗都係On居居！
新春又凍又多人真係邊度都唔想去，同老婆講要睇完本小說，結果坐下坐下又放完假，浄係完成了本「一路向西」
。
其實新年又清潔又拜年又恭喜為乜呢？到頭來屋企仍係繼續亂，親戚仍係繼續生疏，恭喜完發財仍然好貧窮。
祝大家世界第一，天下無敵！
新春又凍又多人真係邊度都唔想去，同老婆講要睇完本小說，結果坐下坐下又放完假，浄係完成了本「一路向西」
。
其實新年又清潔又拜年又恭喜為乜呢？到頭來屋企仍係繼續亂，親戚仍係繼續生疏，恭喜完發財仍然好貧窮。
祝大家世界第一，天下無敵！
訂閱：
文章 (Atom)