93 - H&M之皆大歡喜

從來冇入過去H&M, 當然係因為內裏全都是女裝, 但看見舖內乜衫都有, 比人感覺都係唔錯的.

今日小弟有幸陪人進內一看, 果然價廉物美, 唔怪得各女士要得開開心心啦, 之但係差不多價格的衣服大有人在啦, 何以H&M係咁人頭湧湧呢?

小弟今日終於發現左一個驚人秘密----原來佢地有尺碼上做左手腳! 原來該店上的衣服有4個尺碼, 但4個尺碼不是由S->M->L->XL計的, 而係XS->S->M->L!

基本上, 每一位幫襯的女士都會覺得(係!只係覺得!)自己FIT左SLIM左, 咁大家當然要買過一批比較細件的衣服先可以襯番自己新[身材], 但事實上佢係一D都冇改變, 瘦左的只係自已荷包!!!

不得不佩服H&M的心思, 亦不得不佩服女仕們........

92 - 這裹是高登

地鐵合拼想換新型像, 於是整左D 拼字廣告,

本來個概念幾好, 想用D車站名串成一D有意思句子,

但網上世界比佢地行得更前, 一見個廣告出現即大玩改造

初期玩的: [落水狗],[樂天熊仔],[青頭仔]

有社會意識的:[天水圍城]

FANS系的: [車路士]

有少少咸的: [一皇九后], [上圍美觀]

名人類: [深田恭子]
高登名人類: [關家姐]

我最同意的:[成龍是狗西]
最後祝大家: [安心上路]!!!!

91 - 冷靜與熱情之間

這幾天天氣凍左D, 大約13-14度啦, 天氣凍最令人煩惱的不是沖涼, 不是起身, 而係............


咁凍! 點坐呀............但咁急點忍呀?
我好冷靜但我個PAT好熱情.

90 - 申歷-歪地歐2007

終於在上個星期六去左[生力wild day out 2007], 咁多年話去話去都冇去到, 今次足之過足癮, 聽左6個幾鐘, 亦都企左6個幾鐘!!

本來天氣咁熱加上大部分歌都唔識, 我都擔心投入唔到. 但大會氣氛極之好, 令都我不其然"un un"腳起來-唔係一首歌而係首首都un...... 結果完show之後極支力.

說回個show本身, 出場次序同set 場都好有問題, 理論上越好的表演者應排越後, 但唔知點解晚上殺了個何超, 楊乃文出來, 立即成為廁所位! 而一個歌手同一個歌手之間往往要10至15分鐘 , 台下就個個悶等, 其實可以做d野, 或播下mv都得, 好過齊等丫!

記憶中的出場序及COMMENT:

Kolor........................VERY ROCK, 但聽唔到佢地唱乜, 我估係佢地D音樂太爆, 總之我唔明

朱凌凌......................好好玩, 估唔到佢地玩得咁癲, 「李白」出色到冇人有, KEYBOARD果位大叔好堅

周國賢&Zahran......................周國賢除左叫之外聽唔清楚佢唱乜, 不過打鼓果位好「形」

Takki.................身形好,仲有D NANA FEEL!

張繼聰.................之前冇乜聽過佢D歌, 不過唱得唔錯

周國賢+Takki+張繼聰...............仲地唱一輪Medley, 80-90年代D歌 , 好好FEEL呀, 真係全日最好玩最開心一PART. 不過我唔敢唱得太大聲, 跳得太勁, 因為我邊有咁老呀........

Tank...............坦克個樣好似韋家昌................

蔡健雅...................好聲, 但我投入唔到, 因為同陳綺貞路線太似了

盧巧音...................我朋友話佢好瘦, 不過真係唱(叫)得幾難聽, 仲唱「好心分手」, 真係好心啦!

何超儀...................蝴蝶造型, 好....核突, 唱歌來講呢--除左「地獄」, 仲有什麼形容詞?

楊乃文...................我唔太懂

S.H.E................... HIGH, 真係HIGH, 唱左4首歌, 個個觀眾都好投入和唱打拍子, 抵佢地咁HOT!!

Sodagreen...................我知道對住呢類BAND, 只有極端的喜歡和不喜歡, 遺憾我係唔喜! 一個太監聲深情演出, 我知道好TOUGHING,但我零感動, 只係毛管動!

范曉萱&100%................... 雖然唔識佢D歌, 甚至唔知佢唱乜, 但好好笑好快樂的演出感染到我!

陳綺貞...................為左佢入場, 佢一出全人類靜哂, 等佢木結他伴住佢把柔到冇得再柔的聲音. 佢把聲好似一個小女孩在暗處低訴, 果一刻真係有毛管動的感覺! 可惜佢同觀眾講野真係「行」左D!

飛輪海......................... #%U&*&*!!, D飛撚海FANS好多, 好妹妹 同 好MK, 我唔明一個ROCK SHOW點會搵飛撚海, 因為佢地夠搖滾嗎? D妹妹仔又會為左見3首歌的飛撚海企一日?佢地倨個都有個龍珠頭, 郭富城身材, 我諗如果將佢地同F4,棒棒堂洗亂, 都好難搵得齊4個(定5個?)

黃貫中...................好ROCK,但唔好聽! 不如繼續食 BEYOND老本好過啦

睇完個表演, 好快樂都好支力, 哈哈!快樂果然係要代價的

89 - 2007

回想2007, 實在是一個難過的一年:

• 人生首次失業
• 明白到自己在工作上之極限
• 女朋友的爸發現有癌症,嚴重
• 自己的爸爸被懷疑有癌症, 幸好虛驚一場
• 掛念一個人, 卻發現思念越來越遠
• 生活除了是錢, 還是錢. 我不喜歡, 但還是要生活
• 成年未去過外遊, 世界好似同我越來越遠
• 30歲, 好似一事無成, 我是否要在世界上建立什麼或做什麼來証明自己的存在呢?

2008年, 究竟仲有什麼要我面對?

88 - 新工作

離開左金門已接近2個月了, 亦已經在新公司上班了一些日子. 新公司係一間大建築公司的專用判頭, 而我的職責係幫老闆調動人手, 加上計算一d日常工程數據等等

感覺上返工的時間過得好快, 可能因為工作比之前忙10倍, 一返工就食午飯, 午飯之後就放工, 充實到死. 而新工的工作責任比之前大, 加上細公司比較亂, 又要應付老闆, 又要應付客人, 真係有賣屁股的感覺.

忽然明白[投明狀]中李連杰死都想做官的思想. 在細公司工作就算做到幾好都好, 你都只係一名混混, 工作的成就沒有認同, 沒有尊重, 反過來危機重重, 一不小心甚至身敗名裂........, 而投效朝廷或一d大公司就總會有機會一博, 博不到也可全身而退.

只是, 在此公司一走, 就好似出賣左老闆, 出賣左同事..................我唔想為左自身而出賣劉華同金城呀!!!!

不過我希望同知道我唔會做呢份工太耐................