今年因為英超嘅關係，小弟又重回now嘅懷抱， 嘩佢個sport channel竟然有超過20個台，仲要乜「士仆」都有。
有英超啦，有西甲啦，田徑，揽球，桌球，羽毛球，網球，單車，甚至連賽艇都有，根本就令人眼界大開！！真係不得不like!
更令人驚喜嘅係佢個634台， 因為大部份時間係播香港足球。 係呀！港甲波呀！ 當每周有幾十場世界頂尖球賽播時，港甲水準係相當不濟的，但始終係土生土長的足球賽，而且每每係下午或晚上播，時間十分好， 都令人會有收睇嘅衝動， 始終去睇一場外國嘅現場係相當貴的， 而且同演唱會一樣， 現場嘅經歷係相當緊要架，而港甲就一種同我地同步進行嘅感覺。
更讚嘅係，在夏季球季暑假時，更會播香港學界足球，都睇到該台係好有心去做足球的！
香港足球，真係百病叢生，但有電視播的球賽，永遠係令人注意的第一步。 正係有人睇，先有話題，否則攪波，踢波同睇波嘅都俾人當怪物，仲有人去投入呢個本土運動咩？
