星期6其實係最後一日我地公司控制銅鑼灣地盤的日子, 因為星期一要交吉了, 好似好多野要做都未做, 但又唔容許我做.
而最擔心的, 並唔係handover成功與否, 而係我下一個project去邊, 我首先希望公司唔會炒我先, 因為4月出花紅, 冇會好慘喎! 次一級就唔想去澳門做澳門朋友(Macau Friend), 因為唔著數! 之後就唔好去太偏遠地區啦!
不過一切一切都唔由我控制, 打工仔真悲哀!!!!!
2007-02-25
2007-02-23
43-大埔的奇遇
初5放工之後, 大夥兒向大埔出發, 探望我地其中一個老死.
此行目的係逗新婚K君之「老毛」啦, 仲有係佢結婚到而家我地都冇乜見過面, 趁新年之際拜一拜佢同佢老婆.....丫!係拜一拜年先0岩........
但我地明白一對新人之廚技應該被評為「不可食用」級時, 最方便就梗係出街食啦! 而我地因為上次去大埔街市食飯見到一對靚姊妹之事例, 今次當然係再去多鑊.
點知因為新年關係, 上次有靚女果間「飛媽美食」未開, 我地唯有是但搵間啦, 足之就去左「三小姐海鮮小菜」.
食食下G發現個老闆好熟面口, 好似以前上個電視, 問一問K君呢個新晉大埔地膽, 據K所知, 佢就係以前紅過一排之黃翊!! 嘩黃翊以前好似係一個青靚情歌王子喎, 點解而家牛記LOVE記做大排檔呢??佢把聲仲同以前唔同哂, 好似拆哂咁喎......
回到家中上網發現果個真係佢, 原本而家佢同家人一齊開食市, 仲有埋細路仔添. 諗諗下, 其實歌星都係人, 都要食飯, 呢行做唔掂就做第二行囉, 只要自己唔介意, 冇人會覺得自己冇用, 只要D錢搵番來係經自己努力就已經係頂天立地喇!
反而自己做來做去都出唔到名搵唔到食, 然後又磨爛蓆咪仲冇用啦!! 我記得有一個人叫「楓樺」, 有一個叫「昊天」.................
最愛的你- 黃翊<---按此有歌聽!!!
曲: 黃翊 詞: 黃翊
如果 每日每天 也是快樂時晨
如果 可以一刻 跟你走近
這世上平凡亦變得 一張張可愛的悄臉
令俗世添上愛和暖 尋覓到一切更完美 喜歡你
△ 如果 你在這生 也願意伴我行
如果 今世今生 心也拉近
我靠著斜陽為你寫 一生中至愛的故事
在夜空天際裡互訴 能為你添上愛和笑
Forever
○ 我與你看似曾渡過 千載不變愛之火
彷彿一生 早已註定 願陪伴著我
每次你聽我唱愛之歌
那份柔情總使我
緊緊的把你抱懷裡
輕輕的親你 Baby
Forever
黃翊全部唱片
三小姐海鮮小菜
此行目的係逗新婚K君之「老毛」啦, 仲有係佢結婚到而家我地都冇乜見過面, 趁新年之際拜一拜佢同佢老婆.....丫!係拜一拜年先0岩........
但我地明白一對新人之廚技應該被評為「不可食用」級時, 最方便就梗係出街食啦! 而我地因為上次去大埔街市食飯見到一對靚姊妹之事例, 今次當然係再去多鑊.
點知因為新年關係, 上次有靚女果間「飛媽美食」未開, 我地唯有是但搵間啦, 足之就去左「三小姐海鮮小菜」.
食食下G發現個老闆好熟面口, 好似以前上個電視, 問一問K君呢個新晉大埔地膽, 據K所知, 佢就係以前紅過一排之黃翊!! 嘩黃翊以前好似係一個青靚情歌王子喎, 點解而家牛記LOVE記做大排檔呢??佢把聲仲同以前唔同哂, 好似拆哂咁喎......
回到家中上網發現果個真係佢, 原本而家佢同家人一齊開食市, 仲有埋細路仔添. 諗諗下, 其實歌星都係人, 都要食飯, 呢行做唔掂就做第二行囉, 只要自己唔介意, 冇人會覺得自己冇用, 只要D錢搵番來係經自己努力就已經係頂天立地喇!
反而自己做來做去都出唔到名搵唔到食, 然後又磨爛蓆咪仲冇用啦!! 我記得有一個人叫「楓樺」, 有一個叫「昊天」.................
最愛的你- 黃翊<---按此有歌聽!!!
曲: 黃翊 詞: 黃翊
如果 每日每天 也是快樂時晨
如果 可以一刻 跟你走近
這世上平凡亦變得 一張張可愛的悄臉
令俗世添上愛和暖 尋覓到一切更完美 喜歡你
△ 如果 你在這生 也願意伴我行
如果 今世今生 心也拉近
我靠著斜陽為你寫 一生中至愛的故事
在夜空天際裡互訴 能為你添上愛和笑
Forever
○ 我與你看似曾渡過 千載不變愛之火
彷彿一生 早已註定 願陪伴著我
每次你聽我唱愛之歌
那份柔情總使我
緊緊的把你抱懷裡
輕輕的親你 Baby
Forever
黃翊全部唱片
三小姐海鮮小菜
2007-02-19
42- 電話史
本大少最近想出部新電話, 但搵來搵去都冇部0岩心水, 之後數下數下發覺原來我用左大約8年幾9年電話, 大大話話都用左8部手電. 發覺而家換電話之興趣比以前更少, 但換電話之速度好似仲快左, 咁即係以前的日子雖然LOW-TECH, 但比而家仲要來得快樂!
我諗可能係之前簡簡單單打出打入已好滿足, 但而家又想有MP3 FUNCTION,又想要COLOR MON, 又要有相機, 又想上埋網, 如果打埋機仲好, 最好睇埋戲, 反正都係不如加埋GPS,MSN,公仔書,地圖,電視,天氣,BT,對講機,八達通,財務服務, 格價系統, 指南針, 通勝, 馬經, 叫雞指南同瑞士軍刀啦!!
以下係本大少電話史之回顧...........
以下係本大少電話史之回顧...........
1-MOTOROLA STARTAC 
2- Bosch 909 
3-NOKIE 3210
6-LG G7030
2007-02-18
41-最後的國父
睇睇新聞, 發現台灣正在淡化其中華民國之形象, 一步一步將「中華民國」之類字眼改為台灣.
先別論呢個行動對與錯, 但就令我地國父孫中山先生唔知何去何從. 因為孫中山超過半世紀之稱為國父, 一下子因為去中國化而落得由聖人變成普通一個歷史人物, 究竟孫先生會唔會激到死左都彈番生呢?
而睇睇兩岸三地, 仲專稱佢為國父之地方,好似只剩香港一個. 台灣人唔認佢地自己係中國人,所以唔會有中國國父, 而大陸會認為今日中國之大國崛起, 完全係共產黨領導之成果, 國父之名,更有排都排唔到孫中山啦. 剩低專佢為國父之地, 可能只有香港同澳門, 中山, 因為呢d地方係孫中山早年出生同成長的地方.
在孫先生在革命之後(1912)至今已九十幾年, 睇番佢d歷史可以講佢係一個時代開創者, 但對於收拾殘局並不在行, 以致後來大大小小戰爭超過30年. 一個人攪左個亂七八糟出來而冇被人指責, 反而可以祝聖半世紀, 我諗都算係一大幸!
相關閱讀:
孫中山@維基百科孫中山被貶 不再是國父
2007-02-17
40-豬年.....祝大家發過豬頭
- 明天就係大年初一喇, 希望大家發過豬頭!!
- 而家農曆新年都玩倒數, 真係柒到無朋友
- 電視一定出現「美源髮彩﹐祝大家發財」
- 一定有八十年代鄭少秋許冠傑徐小鳳+穿屎新年MV於電視
- 風水佬一定會吹水, 又話屬狗點點點屬龍點點點, 但明年一定冇人同佢番舊帳
- 有我最愛蘿蔔糕勁食
- 有線播福仔新mv- 愛多八十年
- 明天有賀歲杯睇, 我應該會入場睇, 話哂大年初一可以盡情大笑大叫係一件好開心的事
- 送上「左倫右李」賀年海報一張, 左倫係歐偉倫右李係李健和
2007-02-14
39-是日金句
記得當年張家輝在某一套電影中講過:「肯定係!除非唔係....!」
廢話之餘,相當有哲學感! 令人回味無窮!
今日同d同事食TEA時, 有位人兄爆左句仲正的金句:「最衰我冇錢! 唔係發左達啦!!!」
頂! 係人都知發達要有錢啦!
廢話之餘,相當有哲學感! 令人回味無窮!
今日同d同事食TEA時, 有位人兄爆左句仲正的金句:「最衰我冇錢! 唔係發左達啦!!!」
頂! 係人都知發達要有錢啦!
2007-02-13
38-Ronald Koeman
如果要數當今罰球專家, 我地好容易可以諗到卡路士, 碧咸, P祖連奴等等, 但係在我心目中佢地只係勁, 卻未去到令人害怕之地步. 惟獨一個在八九十年代的高手真係令我覺得"有今日冇來世", 呢位人兄就係朗奴‧高文, 佢係而家荷甲PSV之領隊, 亦你前荷蘭國家隊, 巴塞隆拿球員.
呢個人兄球技唔算好高, 作為防守球員往往會犯錯, 但佢有一個世上無雙之絕技-罰球, 令佢成為當時任何一隊球隊都羨慕同害怕的球員.
佢有幾勁?我地可以睇下佢個球員歷史:
Years Club App (Gls)*
1980-1983 FC Groningen 89(33)
1983-1986 Ajax Amsterdam 64(23)
1986-1989 PSV EindhovenFC 98(51)
1989-1995 Barcelona 191(67)
1995-1997 Feyenoord 61(19)
如果睇佢入球數字,可以見到佢大約3場左右入一個波. 但唔好唔記得佢係一個後衛球員, 竟然可以有前鋒一樣入球數字!!! 另一樣可怕的地方, 係阿高文兄竟然打過荷蘭3支最大球會(阿積士, PSV,飛燕諾)同巴塞, 幾咁巴屎敝!!!!
我記得有一年睇歐洲杯賽冠軍杯決賽-巴塞對森多利亞, 巴塞在禁區頂有個罰球, 朗奴高文一記重炮射過去, 好話唔好彩射中左排人牆之森多利亞球員頭部, 當時條友即刻暈咁濟....可見佢腳頭有幾堅!!
以下係高文以往一D射死人冇命賠之片段:
呢個人兄球技唔算好高, 作為防守球員往往會犯錯, 但佢有一個世上無雙之絕技-罰球, 令佢成為當時任何一隊球隊都羨慕同害怕的球員.
佢有幾勁?我地可以睇下佢個球員歷史:
Years Club App (Gls)*
1980-1983 FC Groningen 89(33)
1983-1986 Ajax Amsterdam 64(23)
1986-1989 PSV EindhovenFC 98(51)
1989-1995 Barcelona 191(67)
1995-1997 Feyenoord 61(19)
如果睇佢入球數字,可以見到佢大約3場左右入一個波. 但唔好唔記得佢係一個後衛球員, 竟然可以有前鋒一樣入球數字!!! 另一樣可怕的地方, 係阿高文兄竟然打過荷蘭3支最大球會(阿積士, PSV,飛燕諾)同巴塞, 幾咁巴屎敝!!!!
我記得有一年睇歐洲杯賽冠軍杯決賽-巴塞對森多利亞, 巴塞在禁區頂有個罰球, 朗奴高文一記重炮射過去, 好話唔好彩射中左排人牆之森多利亞球員頭部, 當時條友即刻暈咁濟....可見佢腳頭有幾堅!!
以下係高文以往一D射死人冇命賠之片段:
2007-02-09
37-2007-02-08 氣溫25
天氣概況一股溫暖的海洋氣流今日影響華南沿岸地區。本港今早多雲及有幾陣雨，日間雲層轉薄，下午陽光充沛，新界部分地區氣溫上升至28度。另一方面，位於華南北部的微弱冷鋒正緩慢地向南移動，預料隨後的東北季候風會在週末期間影響沿岸地區。
乜事呀?而家好似就快新年呀, 唔係就快放暑假, 點解天氣可以熱得咁可怕!
我記得細仔時候新年係一定凍到仆街, 亦都未試過聖誕節剩著T-SHIRT出街就可以...... 而家就農曆十二月都仲25度, 新界更有28度. 我相信香港越來越唔適合人類居住, 更加相信世界比香港更唔適合人類生存!!
天氣反常, 我地最多都係熱D, 但其他地方的天災可能死更多人. 而從環保方面睇,空氣污染, 海水污染更加令人避無可避, 我地要生存空氣同水仲有能源都係不可少, 可惜我每日見到係一個越來越差的世界!!
我並唔係環保份子, 甚至係積極浪費份子, 但有D事情真係睇唔過眼! 世界正急速地向壞的方向發展, 而某某邪惡軸心國甚至連減少排放廢氣的協議都唔肯同意, 我地作為一介蟻民可以點? 除左等死等滅亡仲有其他路嗎?
我重申我唔係環保份子, 我寫咁多野都係想講一樣野: 你有權用你在地球內五十幾憶分之一的資源係天公地道, 但唔好用左人地果D! 唔好要你自己犯錯人地受, 更加唔好用左你子子孫孫的資源! 如果你覺得自己用多左, 你可以選擇(A)拯救地球--做開發新能源的科學家或移民火星的冒險家, (B)唔好再生育--唔好令下一代受苦, 你冇權要人類下一代過一D比我地更差的生活!
而我在未見到曙光前, 我選擇(B)
乜事呀?而家好似就快新年呀, 唔係就快放暑假, 點解天氣可以熱得咁可怕!
我記得細仔時候新年係一定凍到仆街, 亦都未試過聖誕節剩著T-SHIRT出街就可以...... 而家就農曆十二月都仲25度, 新界更有28度. 我相信香港越來越唔適合人類居住, 更加相信世界比香港更唔適合人類生存!!
天氣反常, 我地最多都係熱D, 但其他地方的天災可能死更多人. 而從環保方面睇,空氣污染, 海水污染更加令人避無可避, 我地要生存空氣同水仲有能源都係不可少, 可惜我每日見到係一個越來越差的世界!!
我並唔係環保份子, 甚至係積極浪費份子, 但有D事情真係睇唔過眼! 世界正急速地向壞的方向發展, 而某某邪惡軸心國甚至連減少排放廢氣的協議都唔肯同意, 我地作為一介蟻民可以點? 除左等死等滅亡仲有其他路嗎?
我重申我唔係環保份子, 我寫咁多野都係想講一樣野: 你有權用你在地球內五十幾憶分之一的資源係天公地道, 但唔好用左人地果D! 唔好要你自己犯錯人地受, 更加唔好用左你子子孫孫的資源! 如果你覺得自己用多左, 你可以選擇(A)拯救地球--做開發新能源的科學家或移民火星的冒險家, (B)唔好再生育--唔好令下一代受苦, 你冇權要人類下一代過一D比我地更差的生活!
而我在未見到曙光前, 我選擇(B)
36-Elyse Sewell
每日都坐地鐵,在CWB出口(佐丹佬)出口每日都會一出一入, 而每次經過眼睛都會望住同一張POSTER--[周生生]的廣告, 唔通我忽然喜歡左金器銀器血鑽紅黑藍寶石? 非也! 只係周生生廣告中女MODEL太太太吸引人了!! 我計過每一日我都會用超過20秒時間眼定定睇實張海報, 一星期就用左2分鐘, 漸漸地我對周生生呢個品牌已經唔抗拒, 相反仲非常期待呢個靚女有冇新POSTER!!
呢個MODEL最吸引我唔係佢個靚樣, 而係一雙眼睛! 嘩嘩嘩! 好似識同你講野咁, 而佢成個感覺好古典, 並唔係一般典形索女咁俗! 你話如果佢係你女朋友, 我真係日日同佢周生生掃貨都願呀~~~
而經過一輪明查暗訪, 得知佢叫Elyse Sewell, 美國人,係第一屆america's next top model 季軍, 本來係讀醫的, 但有參加左ANTM之就轉做[摩掉], 而家好似以香港為 基地!!
Elyse Sewell之BLOG: http://elysesewell.livejournal.com/
佢d fans 之相簿 http://smg.photobucket.com/albums/v499/mayzoe/elyse%20sewell/
呢個MODEL最吸引我唔係佢個靚樣, 而係一雙眼睛! 嘩嘩嘩! 好似識同你講野咁, 而佢成個感覺好古典, 並唔係一般典形索女咁俗! 你話如果佢係你女朋友, 我真係日日同佢周生生掃貨都願呀~~~
而經過一輪明查暗訪, 得知佢叫Elyse Sewell, 美國人,係第一屆america's next top model 季軍, 本來係讀醫的, 但有參加左ANTM之就轉做[摩掉], 而家好似以香港為 基地!!
Elyse Sewell之BLOG: http://elysesewell.livejournal.com/佢d fans 之相簿 http://smg.photobucket.com/albums/v499/mayzoe/elyse%20sewell/
2007-02-08
35-同學的團年飯
不知什麼時候開始, 同學間都興食團年飯!
反感嗎? 又唔係, 只係漸漸發現一班同學可以坐到一圍已經係好耐的事, 而呢件事好似又係團年.....
好奇怪, 席上的男女比例係女多過男, 明明讀書時係男女比例5:1, 真奇怪! 可能係男仔比較忙, 或者係班上的男仔比較騎尼已經好早冇聯絡.
坐落計下計下原來有人轉左好多次工, 有人就只係打死一份工, 而轉工多D那班係政府人仕居多..... 咁即係政府工好做嗎?
而畢業以來大家拍拖的對象大多斬係同一個, 係我地悶丫?長情丫定懶呢? 雖然有條友仲係一路以單身自居!
大家講下近況, 個個都互問大家幾時結婚, 係時機成熟?定係約定俗成呢? 我只希望一班人嘻嘻哈哈咁過一晚, 結婚應該係明天的明天的明天之後好耐的事! 不要再大家鬥慘吧!
大家有好多一齊去玩的計畫, 但時間同金錢太少, 我相信2026年前應該有一半計劃可以實行的! 我相信!!
反感嗎? 又唔係, 只係漸漸發現一班同學可以坐到一圍已經係好耐的事, 而呢件事好似又係團年.....
好奇怪, 席上的男女比例係女多過男, 明明讀書時係男女比例5:1, 真奇怪! 可能係男仔比較忙, 或者係班上的男仔比較騎尼已經好早冇聯絡.
坐落計下計下原來有人轉左好多次工, 有人就只係打死一份工, 而轉工多D那班係政府人仕居多..... 咁即係政府工好做嗎?
而畢業以來大家拍拖的對象大多斬係同一個, 係我地悶丫?長情丫定懶呢? 雖然有條友仲係一路以單身自居!
大家講下近況, 個個都互問大家幾時結婚, 係時機成熟?定係約定俗成呢? 我只希望一班人嘻嘻哈哈咁過一晚, 結婚應該係明天的明天的明天之後好耐的事! 不要再大家鬥慘吧!
大家有好多一齊去玩的計畫, 但時間同金錢太少, 我相信2026年前應該有一半計劃可以實行的! 我相信!!
2007-02-07
34-禁色
在大陸政府都呼籲和諧社會時, 香港的廣管局竟然帶頭攻擊一眾同性戀者. 我唔明白我地自居亞洲大都會之流, 竟然連一班同性戀者都容納唔到, 而電影台只係介紹本地同性戀者被歧視之情況, 都會被視為鼓吹同性戀, 而且更要被佢老闆-香港政府強烈勸籲其立場.............
我明白各人有各人喜惡, 我自己都係100%喜歡女人, 而社會上大多數男人喜歡女人, 女人又喜歡男人,但你都唔可以因為大多數人係咁就要迫小眾順從,屈服嘛!!事實上包容的道理就係咁, 唔通阿某某性取向要經過全民公投先可以決定咩?
當然背後在推波助瀾的就係一眾明光社之流的宗教團體, 佢地的宗教就係教佢地憎恨同打壓一班同佢地立場唔同而又冇權冇勢冇組織的弱勢社群, 完全冇愛!!而佢地有組織有名人背景有錢又有社會影響力, 真係一隻手指都卒死你......
但最重要個問題係, 同性戀係罪嗎? 佢有損害呢個社會嗎?佢有令到呢個社會變差嗎? 定抑或係大家覺得下午茶餐應該食三文治, 你見有人唔食三文治而係菠蘿包就 去批鬥佢呢?
最後送上一首歌:[禁色] [別怕 愛本是無罪] [願某地方 不需將愛傷害 抹殺內心的色彩] [願某日子 不需苦痛忍耐 將禁色盡染在夢魂外 ]
窗邊兩水 拼命地侵擾安睡 又再撇濕亂髮堆
無須惶恐 你在受驚中淌淚 別怕 愛本是無罪
請關上窗 寄望夢想於今後 讓我再握著你手
無須逃走 世俗目光雖荒謬 為你 我甘願承受
願某地方 不需將愛傷害 抹殺內心的色彩
願某日子 不需苦痛忍耐 將禁色盡染在夢魂外
千種痛哀 結在夢魘的心內 願我到死未悔改
時鐘停止 我在耐心的等待 害怕雨聲在門外
願某地方 不需將愛傷害 抹殺內心的色彩
願某日子 不需苦痛忍耐 將禁色盡染在夢魂外
若這地方 必須將愛傷害 抹殺內心色彩
讓我就此 消失這晚風雨內 可再生某夢幻年代
我明白各人有各人喜惡, 我自己都係100%喜歡女人, 而社會上大多數男人喜歡女人, 女人又喜歡男人,但你都唔可以因為大多數人係咁就要迫小眾順從,屈服嘛!!事實上包容的道理就係咁, 唔通阿某某性取向要經過全民公投先可以決定咩?
當然背後在推波助瀾的就係一眾明光社之流的宗教團體, 佢地的宗教就係教佢地憎恨同打壓一班同佢地立場唔同而又冇權冇勢冇組織的弱勢社群, 完全冇愛!!而佢地有組織有名人背景有錢又有社會影響力, 真係一隻手指都卒死你......
但最重要個問題係, 同性戀係罪嗎? 佢有損害呢個社會嗎?佢有令到呢個社會變差嗎? 定抑或係大家覺得下午茶餐應該食三文治, 你見有人唔食三文治而係菠蘿包就 去批鬥佢呢?
最後送上一首歌:[禁色] [別怕 愛本是無罪] [願某地方 不需將愛傷害 抹殺內心的色彩] [願某日子 不需苦痛忍耐 將禁色盡染在夢魂外 ]
窗邊兩水 拼命地侵擾安睡 又再撇濕亂髮堆
無須惶恐 你在受驚中淌淚 別怕 愛本是無罪
請關上窗 寄望夢想於今後 讓我再握著你手
無須逃走 世俗目光雖荒謬 為你 我甘願承受
願某地方 不需將愛傷害 抹殺內心的色彩
願某日子 不需苦痛忍耐 將禁色盡染在夢魂外
千種痛哀 結在夢魘的心內 願我到死未悔改
時鐘停止 我在耐心的等待 害怕雨聲在門外
願某地方 不需將愛傷害 抹殺內心的色彩
願某日子 不需苦痛忍耐 將禁色盡染在夢魂外
若這地方 必須將愛傷害 抹殺內心色彩
讓我就此 消失這晚風雨內 可再生某夢幻年代
33-最近比較忙
呢幾日都過住d奴隸生活, 日日朝早0800開工,晚上1900收工, 而且全日唔停手唔可以休息, 而且冇得話做唔哂做夜d, 因為個進度唔可以等.
而更加大壓力就係--唔可以錯, 但我的工作汲及大量計算, 所以好易好易錯......
今日更大鑊, 開0700!!! 大佬呀!奴隸都冇咁早啦! 所以同事講得對:「而家真係做到個個都有火呀!」
在呢個咁艱苦時期, 我唯有聽福仔個首本名曲:[夢想有你], 其中歌詞平凡像我 也許一天到晚太緊張工作吧更是心聲!!!
當天黑 都使我很害怕
害怕光輝的一剎
但我都捉不緊它
當煙花 閃爍到有多搶眼
亦會到某天轉化
墮進四海的飛花
唯獨你 給我夢想
傷心與快樂 亦能分享拍掌
多得你每日將 溫暖時刻的送上
不擔心 一天我跌得很痛
若有你愛的擁抱 亦會再撐起身衝
唯獨你 給我夢想
傷心與快樂 亦能分享拍掌
多得你每日將 溫暖時刻的送上
誰無悔 地去給我盼望
給予我目標方向
誰人會 每天給我送贈熱愛
多少風霜 難阻擋我倆
平凡像我 也許一天到晚太緊張工作吧
而其實我 每秒鐘都記掛誰在臂彎HA～
你 絕境給我盼望給予我目標方向
誰人會 每天給我送贈熱愛一生光輝 愛上
而更加大壓力就係--唔可以錯, 但我的工作汲及大量計算, 所以好易好易錯......
今日更大鑊, 開0700!!! 大佬呀!奴隸都冇咁早啦! 所以同事講得對:「而家真係做到個個都有火呀!」
在呢個咁艱苦時期, 我唯有聽福仔個首本名曲:[夢想有你], 其中歌詞平凡像我 也許一天到晚太緊張工作吧更是心聲!!!
當天黑 都使我很害怕
害怕光輝的一剎
但我都捉不緊它
當煙花 閃爍到有多搶眼
亦會到某天轉化
墮進四海的飛花
唯獨你 給我夢想
傷心與快樂 亦能分享拍掌
多得你每日將 溫暖時刻的送上
不擔心 一天我跌得很痛
若有你愛的擁抱 亦會再撐起身衝
唯獨你 給我夢想
傷心與快樂 亦能分享拍掌
多得你每日將 溫暖時刻的送上
誰無悔 地去給我盼望
給予我目標方向
誰人會 每天給我送贈熱愛
多少風霜 難阻擋我倆
平凡像我 也許一天到晚太緊張工作吧
而其實我 每秒鐘都記掛誰在臂彎HA～
你 絕境給我盼望給予我目標方向
誰人會 每天給我送贈熱愛一生光輝 愛上
32-團年飯
不知道大家有冇計過, 年尾流流大家要食幾多餐團年飯呢?
我就計過有大大話話有7餐喇:父親一餐,母親一餐,女友家一餐, 大學同學一餐, 兄弟老死一餐, 舊同事兩餐, 現時同事一餐.......
而每年我都為呢d飯局煩惱, 因為我往往好接近年尾先記得排期, 而團年飯往往要就好多人, 因此順得哥情失嫂意. 另外大家食團年飯都食得好豐富, 結果我個身形就keep到...............好肥!
最可惜係, 有一餐團年飯我已經冇可能再食到, 而呢餐係我最希望食的..........唉!!!
我就計過有大大話話有7餐喇:父親一餐,母親一餐,女友家一餐, 大學同學一餐, 兄弟老死一餐, 舊同事兩餐, 現時同事一餐.......
而每年我都為呢d飯局煩惱, 因為我往往好接近年尾先記得排期, 而團年飯往往要就好多人, 因此順得哥情失嫂意. 另外大家食團年飯都食得好豐富, 結果我個身形就keep到...............好肥!
最可惜係, 有一餐團年飯我已經冇可能再食到, 而呢餐係我最希望食的..........唉!!!
訂閱：
文章 (Atom)