無能勇者: 10月 2007

2007-10-14

87 - 香港領袖

近日田少投訴地鐵行政總裁周松崗提名其他政黨人參選中西區區議會, 而唔支持佢地自由黨, 狠批周松崗此舉是「沒有政治智慧」，揚言日後地鐵向立法會提交其他建議或草案時，該黨會「睇緊D」，對方要後果自負.

如果你相信香港會有將來的話, 你一定要想想方法令田少同佢地黨羽永久離開建制! 呢班友根本唔係做政治, 甚至在政治圈搵油水都不配!! 而家你身為一個議員, 因為自己結黨的利益而公器私用, 人家唔撐人就反轉豬肚, 仲叫人小心D, 因為自己係議員可以玩你云云.

我甚至感覺到有一股MK味在恐嚇他人, 「喂,你而家反骨出賣我, 等陣如果你屋企人有乜事好麻煩喎!」

雖然最後佢收回有關言論, 但我真係好想知恐嚇係可以收回的嗎? 咁即係永遠都入唔到恐嚇罪啦!

人的言論其實好似一幅圍牆. 一開始係完好無缺的, 你點都搵唔到有裂痕, 但日子久了, 你就可以見到好多裂痕, 呢D裂痕本身就露出圍牆本身結構的問題, 同樣道理言論的裂痕就係矛盾同駁犯. 好似田少咁就露出左佢做咁多公務的理由係為左佢地一眾黨羽, 如果有人出賣佢地, 佢地就會以佢地在公在私的權力去消除你!!!

香港的未來, 就會在呢D香港領袖下領導行下去! THREE WAYS YOU CAN DO, 1) 參加埋佢地做剝削他人, 2)做一個普通人俾佢地剝削, 3)離開呢度

86 是不是這樣的夜晚你才會這樣的想起我

同學們最近想約打波, 朋友想約睇戲, 同事想約食飯, 我都成日推左, 原因唔係同佢地反面, (可能係冇錢, 不過呢個唔係重點), 而係我報左名學野, 仲要一學學2個課程!!

首先我報左個英文課程, 係學寫EMAIL往來的, 雖然我叫做讀過下書, 但正式工作間比較少用EMAIL, 而且我正確的英文程度應該在小學LEVEL......因為我整個中學上英文都訓覺!! 所以的起心肝報下英文學, 萬一真係轉行都叫做有D基礎丫.............(雖然上堂後覺得都幾一般!) 呢個課稅係每個星期四上堂, 所以星期四我唔得閒了!

另一個堂就係逢星期五, 一期十堂的打鼓初班, 我其實一直對打鼓好有興趣, 但一路都冇乜心機去搵邊度有得學, 而咁0岩學英文果度有得學, 因此二話不說就報左名. 上堂第一堂唔係要係埋個DURM SET, 而係學............睇五線譜! D香雞同豆屎睇到我眼都花, 不過當阿SIR打個DEMO俾我地聽時, 個人即刻精神哂!!

我諗上完呢2個, 我仲會再學! 應該係一個英文+一個興趣班啦
(有以下想學:攝影, 魔術, 西餅, 配音等等......)

85 10月玩具之2

話說有日老媽叫我去陪佢買野, 話要幫佢手搬野喎.....

我問佢搬乜啦, 佢話呢排腳痛想買部腳部按摩機, 大妁二千幾, 我就話不如我送部好D牌子啦, 雜牌隨時會整親腳就仲唔抵啦.

之後去OSIM,OTO睇左一轉玩左幾轉之後, 得出一個決定: [與其三千幾四千買個腳按機, 不如一萬幾買部按摩椅啦, 都係多少少姐姐!]

就咁我同老媽又由頭掃過所有按摩椅牌子, 發覺好多牌子無論價錢同舒服度都好唔同, 由大陸牌子六千幾到日本生產三萬幾都有, 而舒服度就可以由我坐上去即想走到試機試到訓著左都有. 小弟心目中最好的按摩寸椅係OSIM古仔做代言果部, 大家有機真係要試試, 可惜小弟因為工作唔夠努力之原因, 家中尺寸有限, 如果放左阿古仔在廳就會冇哂位, 咁樣係唔可行的, 唔通為左一張椅而搬?或者為左佢而努力工作? IMPOSSIBLE!!