我問佢搬乜啦, 佢話呢排腳痛想買部腳部按摩機, 大妁二千幾, 我就話不如我送部好D牌子啦, 雜牌隨時會整親腳就仲唔抵啦.
之後去OSIM,OTO睇左一轉玩左幾轉之後, 得出一個決定: [與其三千幾四千買個腳按機, 不如一萬幾買部按摩椅啦, 都係多少少姐姐!]
就咁我同老媽又由頭掃過所有按摩椅牌子, 發覺好多牌子無論價錢同舒服度都好唔同, 由大陸牌子六千幾到日本生產三萬幾都有, 而舒服度就可以由我坐上去即想走到試機試到訓著左都有. 小弟心目中最好的按摩寸椅係OSIM古仔做代言果部, 大家有機真係要試試, 可惜小弟因為工作唔夠努力之原因, 家中尺寸有限, 如果放左阿古仔在廳就會冇哂位, 咁樣係唔可行的, 唔通為左一張椅而搬?或者為左佢而努力工作? IMPOSSIBLE!!
最後在永安百貨中PANASONIC專櫃, 當中有一部無論尺寸同價錢再加舒適度都合我心意的, 就係[Momi Momi 專業按摩椅], 可能因為林嘉欣做PAN記代言人關係, 我對呢個牌子好有信心!
上星期這張野送左來了, 我同老媽要開始漫長的爭凳仔日子了!!希望呢個禮物老媽喜歡啦!!
沒有留言:
發佈留言