小弟大鄉里, 西洋歌劇從來未睇過, 大概只知道一些基本禮儀。但亦只知道此劇一向享負盛名, 因此滿心期待, 因為據說睇歌劇是一件很勁的事。一入場, 好多女! 果然冇來錯......... 之後燈光漸暗, 歌劇開始!
由於歌劇要模擬一個後街環境, 因此燈光勁暗。
更勁的, 果班cats服裝好接近, 我基本上認唔到邊個打邊個。
再勁的, 是全劇有中文字幕伴奏, 而中文字幕差不多跟唔切唱果個。
最勁的, 係歌詞聽唔明, 我可以怪自己英文屎, 但佢譯做中文我都唔明, 因為譯得更屎, 而且歌詞可能要就首歌關係, 內容係冇乜意思的, 更可比美林夕的《strawberries , apple , orange》.
在連串精彩演出下, 我..........我...........睡著了! 大拿拿三百幾大洋的Cats, 我竟睡了, 直至第一幕完。
經過一番詢問下, 知道第二幕都是差不多時, 我認輸了! 只好乖乖地坐下睇落去!
其實造成我悶到訓之原因, 是因為此劇故事性比較弱, 一段又一段用歌介紹每一隻Cat, 但佢地之間又冇乜關係, 再好笑係歌曲中無啦啦加入好多不知名的人名地名(英國真係大), 試問你同個老外講林雪在九記牛腩見到甘小文佢地會有共鳴嗎?
最後劇中高潮係搵個跳舞勁人狂轉圈作為完結, 觀眾都睇到開開心心.......勁!
劇中唯一經典係由演員唱出極好聽的歌「記憶」【memory】
文化沖擊真難忘!!
貓 (音樂劇) http://zh.wikipedia.org/w/index.php?title=%E7%8C%AB_(%E9%9F%B3%E4%B9%90%E5%89%A7)&variant=zh-hk
沒有留言:
發佈留言