30-東宮西宮5 之後感之一

昨天同老友一行3人去睇「東宮西宮5」, 之前從未睇過呢個系列, 不過真係聞名已久.
呢個劇場俾我最大感受就係-[我係香港人], 地道的聲音,地道的話題,地道的沖擊. 全劇有兩個位係會令人眼濕濕的:

首先係以天星碼頭做引子, 配合曾特首一段「香港家書」做讀白, 再加上香港百年的建築街道舊照片, 你會明白什麼是脫變.....我們香港的城市發展規劃在一百年來,漸漸地由人性化轉為商業化, 井然有序的建築群不再存在, 而我地最高領導人似講一套做一套的小人多於佢所講的「政治家」! 在大家享受進步的同時, 我地卻將自己有味道的城市出賣左, 到所有地貌面目全非時, 我地先驚覺失去太多, 而且不可回頭!
係向前看?定係向錢看? 如果自己的特徵都可以消失,我地的自豪感重可以植根於什麼地方?

第2個令我眼濕濕的地方, 我相信大部分人會同意, 就係結尾時一個急速而殘酷的20年時光FAST FORWARD!
作為一個香港人, 97前後的改變令人感受至深, 有幾多件事係令人開心, 而又有幾多件事令難過呢? 心在看這時間旅程時, 像是死了一樣, 原來我地香港人都經過左唔少事!
看到64之義士, 我肅然起敬;睇到沙士,我仍感到絕望; 當睇到50萬人大遊行時, 我感到自豪, 作為香港人真係太好了, 我更記起在2003年7月1日當日我立志成為一個一生一世的【香港人】!!