懷住一個未知的心情進入戲院, 看郭富城新作-[父子], 事前冇睇過影評,導演同演員陣容, 希望以最原始的感覺接觸呢部作品. 最後---我感動了!!
故事講述一個唔識做老豆的老豆, 同一個自私的老母加上一個仔所成的故事, 最後家不成家, 兒子的前半生被完全破壞.
我一路睇時一路在諗, 現在作為一個父母親要負的責任有幾大. 究竟今日父母親的角色是什麼?
現在人人都遲婚, 人人都遲生, 係因為生活迫人定抑或係覺得作為一個父母的責任太大呢? 我地的父母從前係生養一大群子女, 只希望佢地健健康康, 有時生5個都未必養得大3個, 更唔好諗什麼子女教育, 興建倍養等等. 但而家呢 ?你可以俾你子女天生天養, 但你想佢人生的起步點比他人低咩? 你唔識玩樂器咩, 唔玩體育咩, 唔識英文國語日文德語 點同其他人比先! 風之后話養大一個B要400個, 雖然講大左, 但你估平呀? 而家生兒育女唔係養貓養狗咁簡單, 你唔可能話一句得意就"必"佢出來, 你俾唔到一個正常環境俾佢, 不如唔好生喇, 費事第時佢咒你啦!
另一個唔生的原因係, 而家做大人唔似以前咁"大人", 我地有好多物慾, 可以/需要買好多唔等駛野, 你甘心為左個仔唔買衫,唔買遊戲機, 唔食大餐, 唔去旅行,唔睇英超咩? 如果可以, 你自己又有冇精力去在上班之後照顧D馬嬲呢.
睇完套戲, 你會明白什麼係"無仇不成父子" ,因為電影"父子"的父與母係好多人的寫照. 我們究竟有乜能力去決定他人童年以及一生, 我地又有乜理由去破壞小孩子的童真,理想同愛? 冇, 我覺得任何人都冇可能, 所以我未識合做人老豆!
忽然間我好想念我老豆, 敬佩佢對家庭的付出!!
沒有留言:
發佈留言