由2007年12月至今, 我足足在公司呆了年半, 現在終於轉工了!
轉工原因最大當然係錢啦, 之但係我抵擋不住如洪水一樣的壓力又係另一個原因,
當自己做一間公司的key person的時候, 背負壓力之大真係非筆墨可形容。
作為員工, 自己工作一定唔可以錯, 要顧及的範圍亦比同事大得多,24小時要on call , 同時你向同事下的指引一樣要準確。
更麻煩的是"人事"問題, 自己常常睇唔過眼其他人的懶散, 但人性其實係懶的, 因此自己的希望往往同工作結果差距很大。 然而老闆往往的意見係炒哂d懶人, 但當自己每日相見的同事每人背後都有一個故事一個家庭時, 往往又不忍要同事失業, 於是自己又要補鑊做更多的工作.......
當然, 有失亦有得, 當自己做過老闆位置之後, 明白其實打工係好簡單的事, 只要做好手頭工作, 只要不給公司麻煩, 公司就會出工俾你, 其他的一切一切問題都不用擔心。同學阿ni講過我會好難返轉頭, 因為當自己一直習慣指揮人一段時間, 當什麼問題都係自己解決後, 做回一個"飯來張口"的打工仔真係未必慣。
希望舊公司蒸蒸日上啦!
沒有留言:
發佈留言